Nunnak Changreu

A thiam in kan thiam sual maw?

April 19, 2015

Kan Khrihfa nun hi holh le bia le lenglei cawlcanghnak lawngin a thiam in thiam a awl te. Crusade lio le zarhpi ni pumh dih ka hrawng ahcun, a hlorh in i hlorh i Pathian thangtthat len ko, sinain, inn van lawi ah buai, mi kongceih, mi testimony chim mi kong va ceih len, kan hawinu kan hawipa kong va ceih len, innpa chak thlang ah rem lomi neih; cubantuk ziaza hna nihcun Khrih muisam cu a cuanter kho bal lai lo. Voikhat cu kan umnak khua ah crusade kan nei le, tutan Crusade cu midang sawm ve hna ning ka ti le Patung pakhat pa crusade ah kan kai lai lo maw tiah ka sawm, a ka leh mi cu, ‘Crusade kai le Zarhpi ni pumh ka huam ti lo, zeicahtiah cun zarhpi ni kai pumh zongah mi ka zoh ziar tawn hna le a thinlung tak in Pathian bia mi ka hmu hna lo’ a ka ti. A peh rih mi cu, “Pathian hi kan thinlung tak in kan biak lo ahcun, zei cu hme zarhchiar te ka vai pumh cu a ttha hnem” a ti. Cu pa bia cu ka ruah lengmang tikah hin, a hman tuk ka ti.

Zumtu tampi cu kanmah le kanmah hi ai hlengmi kan tam tuk tawn. Kan biachim kan holh rel in kanmah le kanmah kan i hleng ttheu tawn. Kan thinlung, kan sining, kan nunning nih kan i nunpi bak lomi hna mi hmai le mi sinah kai nunpi, ka tuah ti ah kan i ti tawn. Kan sual kan i chir kan ti lio zongah, kan ziaza ttha lo kan hlawt taak siang taktak tawn loh. Ninevah khuapi cu Jonah nih nan sual i chir uh tiah a va chimh tik hna ah, an Siangpahrang thokin hngakchia bik tiang nih buri i eih in Pathian sinah an sual kha an i chir i, an ziaza tthalo kha an hlawt a ti, cu tikah Pathian nih an cungah a tlunter hnga ding mi tthat lonak kha a tlunter tthan lo. U le Nau hna, kan hmur kan ka, kan lei kan dang lawngin Pathian sinah hin kan sual le kan tthat lonak hi kan i chir tawn sual maw? Hmur le ka le lei le dang lawngin sual chir cu hlen a hmang, cucaah kan thinlung tak in Ninaveh khua mi hna nih an sual an i chir i, an hlawt bantukin kan nih zong nih Pathian sinah i chir in hlaw ve hna u sih. Crusade lio le zerhpi ni pumh lio lawngah, hmur le ka le zia le za ai dawh mi si loin, ni fa kan nunnak ah a zungzal in sual ai ngaichih mi le a ziaza ttha lo kha a hlaw pengmi si hna u sih. Kan hmur kan ka, kan lei kan dang nakin kan tuahsernak ah hin sual ai chir i, a ziaza ttha lo a hlaw mi kan si le si lo hi a langhter deuh tawn!

Midang he nan i chonh nan i biak nakah, na Khrihfa nun nih Bawipa sunparnak a pe maw?

“Pathian nih an tuahmi kha a hmuh i an ziaza tthalo an hlawt kha a hmuh tikah aa ngaichih i an cungah ka tlunter lai a timi tthat lonak kha a tlunter tthan lo.” (Jonah 3:10)

Facebook Comments

You Might Also Like

No Comments

Leave a Reply

%d bloggers like this: