Nunnak Changreu

Rak Ka Thleng Ko

April 10, 2015

“Nu le pa sualnak va tuah hlah, an ti tawn cu nan theih. Sihmanhsehlaw kei nih cun, ahohmanh nih nu kha sual duhnak lungthin he a zoh ahcun, cu pa cu a lung chungin a sual cang, tiah kan ti hna” (Matthai 5:27-28)

Arsik or hmaibo neimi nihcun nan theih ngai lai, Doctor sinah na hmai na vai piah tikah, Doctor pa cu nan hmai a bomi cungah a lungrethei lai lo, nan hmai a bomi cu ‘make-up’ nan i thuh ah cun a khuh khawh ti a theih. Asinatein, nan hmai a bomi kha zeitindah a dam khawh lai tiah a lungre a thei deuh; a virus maw? si lo cun, zeiruang ahdah na hmaibo timi kha theih ai zuam lai le, damter khawh ai zuam lai.

A caan ahcun, cu bantuk cu kan si ve. Kan ziaza hi a leng lei lawng khin khuh kan i tim le, a chung lei in damter taktak kan i tim tawn lo. Make-up thuh khin kan thuh tawn lengmang. A chung lei taktak zeiruang ahdah hi ti hin ka nun, hi ti hin ka um timi khi theih kan i tim taktak tawn lo. Thiang Thlarau kan chung taktak ah kan nunter tawn lo! Kan nunnak ah lenglei in hmuh khawh mi virus kha, lenglei lawng in damter kan i tim tawn. Sihmanhsehlaw, lenglei in a rak chuak mi virus kha, chung lei in a dam ma set kha a hau, Cu a damter kho tu taktak cu Thiang Thlarau lawng asi. Thiang Thlarau kha kan nunah kan nunter in, a cawnpiaknak le a chimh hrinnak kha kan ngeih ahcun; kan nunah damnak taktak kan hmu lai. Jesuh Khrih tlang cung cawnpiaknak ah hin, chung lei- kan thinlung kong lawng te hi a kan cawn piak. Lenglei in kan tuah mi thil cu chunglei ah a rak um maset ruang ah si tawn- timi hi tam pi in a kan cawn piak, thinlung le ruahnak thlen kha a kan fial tawn.

Nawlbia i “Nu le pa sualnak va tuah hlah” timi zong hi leng in tuah mi ziaza asi. Sihmanhsehlaw, Jesuh nih thuk deuh in, “Nu kha sual duhnak lungthin he a zoh ahcun, cu pa cu a lung chungin a sual cang” a ti. Jesuh cu kan lungthin chung i a um mi ziaza le ruahnak ah hin a lungre thei deuh. Kan lungthin kha damter hmaset ai tim! Lungthin, chung lei kha a dam ahcun, leng lei zong kha a dam lai. Khrihfa nun cu chunglei in ai thokmi nun asi; cu nun cu, Khrih nih pekmi Thlarau in ai thokmi asi! Lenglang khuh in kan nung ti kan i theih chiar te, Pathian sin ah sual ngaihthiamnak hal tthan hna usih law, Amah nih chunglei damnak tak cu a kan pek lai.

Facebook Comments

You Might Also Like

No Comments

Leave a Reply

%d bloggers like this: