Nunnak Changreu

Nai Ready Cang Maw?

April 9, 2015

Nifa kan nunnak ah Satan nih a thli tein lih a kan chimh pengmi cu “Pathian nih an hmang kho lai lo, thiamnak na nei lo, nangmah nak in a thiam deuhmi le santlai deuhmi an tam pi” ti hi si tawn. Zumtu tampi cu Pathian nih caan tha a kan pekmi kha, Satan hlennak cu i zumh in kan el ttheu tawn. “Ka thiam tak lo, zeihmanh ka si tak lo, ti te hna kan ti tawn”. Bupi rianttuannak ah hin a hlei in a lang tawn. A cheukhat cu, Lentecelhnak (sports) kan tuah zongah, pumhnak kan neih zong ah; Caan thiah mi el khi kan hmang ngai tawn. Thil a rem caang lomi pakhat khat ruangah zong ah kan el cu um ko lai ee- cucu ka ti duhmi si lo. Ka ti duhmi cu “Satan hlennak aw i zumh sual i, kei cu san ka tlai lo, thiamnak ka nei lo, mi nih an ka nih sawh sual lai” ti phan in caan thiah mi te hna el kan hmang tawn. Pathian nih hin kan thiamnak le kan thilti khawhnak hi a duhmi si lo, Amah sin tu ah “kan caan kan pek hi” a duhmi a si deuh.

A tu intership ka tuahnak ah hin Pastor pa he a hram thok cem kan i ton ah bia a ka hal mi cu “zei tal thiamnak na nei maw” a ka ti. “Zeihmanh thiamnak ka nei lo, sihmanhsehlaw ka caan hi ka pek, nan duh ahcun rak ka ttuanter uh ka rak ti”, Cu ti ka ti tik hna ah an i lawm tuk i, “Rak ka bawm colh, Pathian tu nih a sunparnak ah in hmang ko seh” a rak ka ti. Cu tikah Pathian nih a tu tiang a ka um pi. “Zeihmanh thiamnak ka nei lo i, kan bawm kho hna lai lo” rak ti ning law, Pathian nih ka nunnak ah khuaruahhar in rian a tuanmi vialte ka hmu kho hnga lo. Ka chim duh cemmi cu, Pathian rian ah hin sungh timi hi a um lo ti hi a si. Zeihmanh ka va thiam lo zong ah, kan thinlung ah hihi Pathian sunparnak ah si ko ti kan theih i, caan kan pek ahcun, Pathian hrimhrim kha dai tein a um kho lai lo i, kan nun ah a cawlcanghnak kan hmuh lai i, midang hrang zongah thazaang laknak asi lai.

Mi tampi cu Pathian nih an nun ah khuaruahhar in rian a tuannak kan hmuh khawh tawn, sihmanhsehlaw khi rian a tuannak khi kan nih nun ahcun a ttuan kho lai lo ti kan ruah tawn. Cu tikah, Thiang Thlarau a ngeih kan chiatter i, kan nun ah khuaruahhar in Pathian nih rian a ttuan dingmi kha kan thei kho tawn lo.

Pathian nih an hmannak ding poh ah ready in na caan na pe kho maw?

“Cucaah nannih cu nan dihlak in Khrih pum kha nan si i pumpak cio ah a nge kha nan si.” (1 Kor 12:27)

Facebook Comments

You Might Also Like

No Comments

Leave a Reply

%d bloggers like this: