Nunnak Changreu

Judas bantuk si loin…

March 31, 2015

Voi khat cu Philosophy Saya pa nih a khan chungah, Dur pakhat kha a lak i lung khat lak in dur chung ah cun a chiah ti si, a siahngakchia kha dur hi a khat maw ti ah a hal hna tik ah, siahngakchia pawl nih cun “a khat” tiah an leh ti si. Tlawmpal ah, thetse kha a lak le cu dur chung tthiam ah cun a rawn ti si, a tu teh a khat cang maw tiah a hal tthan hna tik ah, siahngakchia pawl nih cun, “atu cu a khat bak cang saya” an ti ti si. Cu ah cun ti kha ai lak le, dur chung ah cun a toih le liam huah mah in. Siahngakchia pawl nih cun, “atu cu a khat bak cang, zeihmanh chiah chap awk ttha ti lo” an ti ti si.

Philosophy Saya pa nih cun, a siahngakchia pawl cu hi tin a ti hna, “Dur nih hin na nunnak an sawh duh a ti, lung pawl nih khan na nunnak i a bia pi deuh mi; innchungkhar, hawikom, hngandamnak, hei ti pawl, zei dang vial te hman khi va nei lo in um hman law, na nun khawh peng tthiam ding mi pawl khi a hmuh sak a ti. Thetse nih cun a dang thil fa deuh mi pawl, kan neih lo zong, a poi tuk lo mi pawl khi a hmuh sak a ti. Dur chung ah khan thetse pawl kha khat lak in rawn hma sat ah cun, lung pawl kha ai tlum ti lai lo a ti. Cu ve bantuk in minung nunnak zong hi a si a ti, kan nunnak ah thil biapi deuh lo mi, thil fa te te kan chiah maset i, kan rawn ma set ahcun, kan nunnak hrang ah a biapi mi pawl chiah nak um ti lai loh a ti.”

Jesuh hrang ahcun a khuaruah a tam saling zarh, minung sinak in a celh lo i, A Pa sinah khupbil mithli he , “Ka Pa, hi hrai hin ka luatter ko” a ti zarh, kum 3 chung a rian Vancung Pennak kong a phuan a hawittha nih a rawi lai zarh, a khuaruah a tam saling zarh ah; Jesuh le a zultu hna cu hmunkhat ah zaanriah an dum tti hna. Mah cu lio ahcun, Mary nih a man sung ngaingaimi zihmui phun ttha ngaimi kha a rak i put i Jesuh ke ahkhan a toih i a sam in a hnawh piak. Inn cu zihmui rim thaw cun a khat dih. Cu ti a tuah tik ah, a zultu pakhat, Judas Iskariot nih ai thawh i, “Hi zihmui hi ziah tangka za thum ah zuar in misifak kha an pek deuh hna lo” tiah a ti. Aw…Judas cu zaangfak a va si dah, zeicah tiah a zulh mi a Bawipa cu a thei hrimhrim lo mu (A nunnak ah Lung kha chia hmasat loin, ti tu kha a chiah hmasat mu). Aw.. Mary cu a lung di a va riam lai dah, zeicah tiah a nunnak ah a biapi bikmi Lungpi Jesuh kha a chiah hmasat, a a pawng i a ummi Jesuh cu ahodah a si ti kha a hngalh tuk. A dawtnak kha a teh i, a nunnak dihlak pek in Jesuh kha a biak.

Zumtu u le nau hna, tutan thawhtthan ahhin Jesuh dawtnak hi a thar in ruat tthan hna usih. Judas bantuk in Jesuh a zul mi kan si sual lai ti ka phak tuk. Kan Bawipa kha mah pumpak nuamhnak le thangtthangnak hmuh duh lawng ah a zul mi kan si sual maw, kanmah le kanmah kan nun zoh tthan hna usih. Mary bantuk in kan Bawipa hi kan nunnak dihlak in kan thei taktak maw? kan lungdi riam lak in Amah cu kan thangtthat maw, kan bia maw? kan lungdi riam lak in Bawipa kan thangtthat tikah, Amah hrimhrim zong kha kan cung ah ai lawm i, kan nunnak hmang in Amah nih sunparnak kha zungzal in a co.

Pathian dawtnak a thei cangmi hna nih, hi kong ruah ah zeitin dah lawmhnak mithli tla lo in kan um khawh lai? A va sunglawi hringhran dah, hi tluk dawtnak in a khat mi Pathian cu zeitindah thangtthat lo in kan um khawh lai? Kan nunnak kan sining dihlak pe loin kan um khawh lai. A kan dawtnak le a kan pehtleihnak cu minung ruahnak hrimhrim nih a phan kho lo i, a tlau lio mi hna caah cun hruh bia a si ko. Greek mi hna nih an zumh khawh lo, an mawh hrimhrim lo zeicaah tiah an ruahnak nih a phan fom lo cu teh, vawlei mi hna nih an zumh khawh lo an mawh hrimhrim lo, zeicah tiah an ruahnak nih a phan kho hrimhrim lo cu teh, sihmanhsehlaw a vel thawng in zumhnak he a zummi kan ca ahcun, a va nuam hringhran dah, zeicah tiah zeitluk indah a dawtnak a thuh kha a kan teh ter i, kan caah i lam a sial mi pehtleihnak a sunlawi zia kha a kan hngalh ter.

Sunparnak vialte cu Amah lawnglawng nih co ko seh.

Facebook Comments

You Might Also Like

No Comments

Leave a Reply

%d bloggers like this: