Nunnak Changreu

Nang cu na um loh…

March 28, 2015

Thaba le lungretheih ngai in ka um lio caan zongah, Nangcu na um loh.

Hnabeidong le lungtuai ngai in ka um lio caan zongah, Nang cu na um loh.

Lungrep ngei lo le zumh awk tlak lo ngai in ka um lio caan zongah, Nangcu na um loh.

Lungder ngai le zum duh loin ka um lio caan zongah, Nang cu na um loh.

Ttihphang ngai le lau ngai in ka um lio caan zongah, Nang cu na um loh.

Thinphannak le hmuhnak tlawm ngai he ka um lio caan zongah, Nang cu na um loh.

Thaba le lungdong in ka um lio caan zongah, Nang cu na um loh.

Ka nun ah ruahchannak le dawtnak a chanbau lio caan zongah, Nang cu na bau loh.

Khuaruahhar le lau ngai in ka um lio caan zongah, Nang cu na um loh.

Midang cungah dawtnak ngei duh lo in ka um lio caan zongah, Nang cu na um loh.

Ka biakam mi cungah zumhawktlak loin ka um lio caan zongah, Nang cu na um loh.

Duhhak kau in le mah pumpak zawn lawng ruat in ka um lio caan zongah, Nang cu na um loh.

Aw… zumhawktlak le velngeihnak in a khat mi Bawipa, kai lawm tuk,

Keimah le keimah zeihngal lo in ka um lio caan zongah, Nang cu na um loh.

“Bawipa cu i bochan u! Zumhnak ngei u, nan lung dong hlah u! Bawipa cu i bochan ko u!” (Salm 27:14)

Facebook Comments

You Might Also Like

No Comments

Leave a Reply

%d bloggers like this: