Nunnak Changreu

Ser Kan Si Loh

March 26, 2015

Kanmah tein um, kanmah tein tuanbia i ttial, kanmah tein i uk dingin le kanmah pumpak hranglawng nung dingin ser kan rak si loh!

Sermi thil kha tleihchan in, minung le thilri hna kha Pathian nakin va tleihchan deuh le Pathian dah ti lo in nunnak kha kawl ding in ser kan rak si loh.

Kanmah fimnak i rinh in, kanmah lungchung chuak bia kha zumh in, kanmah ruahnak kha i hngatchan in, le Nangmah nih pekmi hngalhnak biathlam hna kha zeiah rel lo ding in ser kan rak si loh.

Kanmah pumsa duhnak kha zul in, kanmah duhnak sal ah i chia in, kan duhtuk hringhran mi thil ruangah Nangmah kha philh ding in ser kan rak si loh.

Pathian can ai ah sermi thil hna kha chia in, sermi thil hna in mah pumpak diriamh nak kha tuahter ding in ser kan rak si loh.

Chikhat ca lawngah nung in, zungzal nunnak kong kha philh in le midang thil kha hnahchuah in Pathian nih a kan pekmi kha philh ding in ser kan si loh.

Pathian tthatnak kha biahalnak tuah in, kan zai cuahmah awk le thinhngannak kan tonmi thil vialte kha phisiin ter (answers/solves) pet ding in ser kan si loh.

Kan thinlung kha hnahchuahnak khahter in, midang kong kha ceih in, kan lungthin kha tuai tam ngai in chia in le Nangmah ah dinhnak kha kawl duh loin nung ding in ser kan si loh.

A kan hupphengtu na kut kha philh in, a cawnpiaknak kha zei ah rel lo in, na kan umpinak kha philh in le nangmah ah sunparnak ai hrawm mi kan si kha a philh mi si ding in ser kan si loh.

Nangmah he ai tthen ii a rawk cuahmah mi kan si kha i philh in, kanmah tein zeihmanh a tuah kho lo mi kan si kha i philh ding in sermi kan si loh.

Cucaah, maw Bawipa, Nangmah he umtti cu a nuam i, kan thinlung hnangamnak na pek i, nangmah rianttuan nak kong chim kha a nuam.

Nangmah hlei in ahodah kan ngeih? Kan nunnak cu nangmah ta a si i, na kan huhphenhnak cungah kan hna a ngam i, na kan Khamhnak cungah kan i lawm.

“Nangmah an hlawmi cu an thi hrimhrim lai, nangmah cungah zumhawktlak in a um lomi cu na hrawh hna lai.” (Salm 73:27)

Facebook Comments

You Might Also Like

No Comments

Leave a Reply

%d bloggers like this: