Nunnak Changreu

Rawl Tthing

March 21, 2015
Caan tampi cu kan theih cia mi si ko zongah, pakhat le pakhat kan van i theih ter tthan tawn khi, kanmah pumpak lawng thazaang kan lak si lo in, kan hawi le te zong a thar in thazaang an van la tawn ve. Cu ve bantuk in kan theih cia pet a si mi; ahohmanh nih “rawl tthing” Pathian kan pek phung a si lonak kong van in remind tthan kan duh ve hna.
 
Mi zeibantuk hmanh nih ‘rawl-tthing’ cu ‘rawl-thar’ nak cun a thaw deuh an ti hi ka zum lem loh. Sau nawn a rau cang mi ‘rawl-tthing’ le bang cu zawtnak tiang a chuah ter, ahopaoh nih kan theih mi a si ko. Kanmah le kanmah ca hmanh ah zeitluk in ‘rawl-tthing’ a tthat lo le ei ah athawn lo kan theih ahcun, midang kan hawi le caah cun zeitin dah ‘rawl-tthing’ cu kan pek ngam chin chin hna hnga. Kan nih laimi cu, mi rawl hrawn kan auh tik hna ah maw? Puai pakhat khat kan tuah tik ah, ‘rawl-tthing’ cu khual pek cu kan hmang lem loh. Rawl lak ah a tthat cemnak le a thawt cemnak kan pek tawn hna. Ai dawh ngai ngai ka ti. A tak tak ah kan Pathian chin chin cu, kan inn ah rawl ei ding siseh law, kan rawl lak ah a ttha cem mi le kan kheng lak ah a ttha cem mi in rawl kan pek ko men hnga. Rak kan riak sehlaw, kan puan lak ah tthacem le kan ihkhun lak ah tthacem ah kan ih ter ko men hnga. Kan inn ah um sehlaw, kan caan lak ah a ttha cem mi kan pek ko hnga.
 
Sihmanhsehlaw, zumtu tampi cu atu le atu kan Pathian hi kan sinah a um zungzal ti hi kan philh tawn. Kan sin ah a tthu dir i, rawl a dum i, ai chok lengve tawn ti hi kan philh peng. Kan caan sunglawi hi Pathian sin ah pe ti lo in, kan ngenh ta mi ‘caan’ hi Pathian kan pek tawn. Kan caan tthabik le kan caan sunglawi bik amah hrang ah kan pe ti loh. Kan mah nih kan huam caan le kan i menh caan lawng ah caan ttha kan pek tawn.

 

Facebook Comments

You Might Also Like

No Comments

Leave a Reply

%d bloggers like this: