Nunnak Changreu

Biaceih Ni Ahcun…

March 15, 2015
Nangmah nih ri na khiah cang mi a lonhmi poh kha cu
Na hrawh hna lai.
Minung nih mah te i uk duhnak ngeihmi ruahnak thinlung put hna kha cu
Na hrawh hna lai.
Keimah tein ka nung kho ko ka si kho ko timi zumhnak a ngei sual mi hna kha cu
Na hrawh hna lai.
Zeicahtiah Pathian Vel nih hi ti i nun peng kha a duh loh.
Duhhakkauhnak le zaangengnak hna cu
Na hrawh hna lai.
A alh thluahmah mi hortuknak hna cu
Na hrawh hna lai.
Dinfellonak le minung thinlung a ngei lomi, puarhrannak thinlung hna cu
Na hrawh hna lai.
Zeicahtiah Pathian Vel nih hi bantuk i nun peng kha a duh lo.
A thlithup te in keimah duhnak lawng in biakamnak ka ser mi hna cu
Na hrawh hna lai.
Mah pumpak diriamhnak ding ah midang nun kha a sining lo pi in a hmang mi hna cu
Na hrawh hna lai.
Nangmah sunparnak a ning cang lo in a hmang mi hna cu
Na hrawh hna lai.
Zeicahtiah Pathian Vel nih kha bantuk ziaza he kha ti nun peng kha a duh loh.
Nu le pa chimh ngai lo mi hna cu
Na hrawh hna lai.
Mi kongceih le thangchiatnak a chim peng mi hna cu
Na hrawh hna lai.
Mah pumpak siaremnak a kawl tuk i, a bia in bia mi hna cu
Na hrawh hna lai.
Zeicahtiah Pathian vel nih hi bantuk thil hna cu a doh hna.
Mah pumpak phorhlawtnak a kawl mi hna cu
Na hrawh hna lai.
Mah zawnlawng ai ruat i hnahchuahnak he a khat mi hna cu
Na hrawh hna lai.
Siasal, bochanawk tlak lo thil a duhtuk mi hna cu
Na hrawh hna lai.
Zeicahtiah Pathian vel nih hi bantuk thil hna cu a cohlang hna loh.
Ningcang lo thil a duh tuk mi hna cu
Na hrawh hna lai.
Mah pumpak nawlngeihnak a kawl mi hna cu
Na hrawh hna lai.
A hman mi thil a hlaw mi hna cu
Na hrawh hna lai.
Zeicantiah Pathian Vel nih hi bantuk thinlung put he nun peng cu a duh loh.
Nangmah an hlaw i, minung a cawisang mi cu
Na hrawh hna lai.
Atha mi thil kha a nih sawh i, capo ah a sai mi cu
Na hrawh hna lai.
Hruhnak thilri a duh tuk mi hna cu
Na hrawh hna lai.
Zeicah tiah Pathian vel nih hi bantuk thil ziaza hna cu a rem hna loh.
A tu i kan ton cuahmah mi hna hi hmailei ah zungzal tiang an si peng lai  loh.
Kan vawlei cu a donghnak a phan te lai,
Biaceih Ni cu a ra te lai, dinfelnak kha duh ko hna uhsih.
Sualnak a thih ni a phan te lai, Thatlonak a thih ni a phan te lai.
Maw Bawipa Nangmah he ai hlat mi hna cu, an rawk te lai.
Maw Bawipa zumhawk a tlak lo mi hna cu, an rawk te lai.
Maw Bawipa, keimah hrimhrim zong na caah zumhawk ka tlak loh, nangmah he ai hlatnak cem ah um kha ka thim, na nawlbia hna cu ka buar dih hna, sihmanhsehlaw Ni donghnak ah zeitindah bia na ka ceih lai timi ah khan ka thinphang ti loh, Zeicahtiah na Vel thawng in nangmah he na ka naih ter i, na Vel thawngin kei cu na thinlung ah a thianghlim mi ah na ka cohlan i, na Vel thawng in sualman leiba kha na ka cham piak i, na Vel thawng in ka huah dingmi dantatnak cu Jesuh ah khan na chiah i, na Vel thawng in ka fa tiah na ka auh cang caah, zeihmanh ka ttih ti lo i, Nangmah cu ka Ceunak, ka Khamhtu, ka toncuahmah mi harsat ngeichiatnak chung in a ka huppheng tu ka Bawipa le ka Khamhtu na si.
“Nangmah an hlawmi cu an thi hrimhrim lai, nangmah cungah zumhawktlak in a um lomi cu na hrawh hna lai” (Salm 73:27)
Facebook Comments

You Might Also Like

No Comments

Leave a Reply

%d bloggers like this: