Nunnak Changreu

Nai Thim Lo…

March 11, 2015
Khoika zawn ram ah ka chuah lai tiah nangmah tein nai thim loh.
Khoika zawn lam le innpa chakthlang ah ka tthanglian lai tiah nangmah te in nai thim loh.
Zeitik caan le chan ah ka chuah lai tiah nangmah tein nai thim loh.
Zeibantuk cozah uknak tang ahdah ka chuah lai tiah nangmah tein nai thim loh.
An nih inn chungkhar ah ka chuak lai tiah nangmah tein nai thim loh.
Ka nu le ka pa le ka unau cu an nih hi si hna seh tiah nangmah tein nai thim loh.
Ka pumsa hi tlamtling le ngandam tein chuak seh tiah nangmah tein nai thim loh.
A him mi ram le khua ah chuah ning tiah nai thim loh.
Ramkhatnak maw ramthumnak ahmawchuak ning tiah nangmah tein nai thim loh.
Hi bantuk miphun le holh hmang mi sin hin chuak ning tiah nangmah tein nai thim loh.
Khrihfa inn chungkhar ah chuak ning tiah nangmah tein nai thim loh.
Mirang muisam siloah korea muisam keng in chuah ning tiah nangmah tein nai thim loh.
Pe cu zat in sang ning tiah nangmah tein nai thim loh.


Minung nih hin duhthimnak kan ngeih kan ti tawn ko nain, kan i thim khawh lo mi hi a tampi. Pathian nih thimnak a kan pek mi chung lawng in kan i thim khawh. Hi nih hin, zeitluk indah ka Pathian hi a lianhngan a ka hngalhter. A ngaingai tiah cun, minung nih duh thimnak kan ngeih cu Pathian nih a kan pek hnu lawngah kan ngeih khawhmi a si.
Caan tampi cu kanmah le kanmah kan i hleng tawn i, ka si khawh lo ningpi in si kan i tim tawn i, mah sunparnak kan kawl tawn. Kan mah thiamnak le ti khawhnak kha nganter kan timh tawn i, Pathian lianhngannak kha kan fatter tawn. Kanmah nih kan tuah lomi le kan si lomi ahkhan, thiam kan i cuh tawn i Pathian sunparnak kan pe tawn loh.

U le nau hna, zeitluk in dah a fami le a tlamtling lomi kan si kha i hngal hna uhsih law, a lianngan tukmi kan Pathian hi sunpar lianhngannak vialte cu pe ko hna uhsih. 
Facebook Comments

You Might Also Like

No Comments

Leave a Reply

%d bloggers like this: