Online Bible Study Notes

Not about me! It’s all about You, Jesus!

September 27, 2014

John 1:19-34 summary

[John 1:29- 31] Johan cu phundang tein a um ruangah mi kip nih hodah a si tiah biahalnak an ngei. Ahodah a si tiah an hal tikah aho a simi nak in a si lomi a chim hmasa. Messiah, Elijah, le Profet a si lo tiah a ti hmasa le hi nih amah Johan a sinak a faat ter. Biakam hlun ah tial mi hmangin a leh hna mi nih cathiang le phunglam a hngah zia a langhter. “Ka hnu in a ra dingmi kedan hri phoihtu hmah ah kaa tlak lo” a ti. Kha lio ahcun kedan hri phoihtu hna cu sal an si. Hi pa i a sal si hmanh aa tlak lo zia nih a faat ning le Khrih a liannganh zia a langhter. “Zohhmanh u, Pathian Tuufa, vawlei sualnak a kalpitu khi!” nih cun Khrih i raithawinak a si ti a langhter. Hlan ahcun Moses nih khuaruahhar a tuah tawn nain Khrih cu a tuahtu lawng si loin, khuaruahharnak lila kha a si. HE is ‪#‎thegoodstuff‬. “Keimah nakin a ngan deuhmi a si, zeicahtiah ka chuah hlan in amah cu a rak um cang” ti cu Johan 1:4 chungin kan cawn mi kha a chim duh mi cu a si. Khrih hi Pathian bia a si le amah thawngin cun zeizong vialte hi ser an si.

[John 1:32-34] Thlarau cu tthuro bantukin a ttum i a cung i aa fut kha ka hmuh”. Tthuro tahchunhnak a hmanmi nih cun lung nem zia a kan chimh. Thiang Thlarau nih a chuahpi mi cu dinnak le daihnak a si ti zong a si ve. Jesuh hi titsa in a ttum ah Thlarau lamhruaitu a herh. Khrih hmanh nih Thlarau hruaitu a herh ahcun kannih chinchap nih cun kan herh. Kan herh ning zong cu dong loin kan herh (aa fut).Ka hin thumkomh Pathian aa fianhter. Johan a fialtu Pa, Khrih le Thiang Thlarau kha tthen khawh cu an si lo nain an i khat lo zia a langhter. Hi bia hi Johan tehte lila a si. Lenglei in hmuh sawsawh le hngalh sawsawh mi thil lawng a si lo. Johan nih sunparnak kha amah caah aa laak lo – Khrih lei ah a panh lengmang.

One thing to take away from this week is … Just like John the Baptist, do we deflect all the glory to Jesus Christ- and not to ourselves? Do we make Jesus becomes greater everyday in our lifestyles, friends and situations?

Facebook Comments

You Might Also Like

No Comments

Leave a Reply

%d bloggers like this: