Music

A Min Thiang Thangthat Uh – Ah Thang & Homecoming

October 30, 2017

“Atu i kan hmuhmi hi cu, thlalang fiang lo chung i kan mui maw chialchual in kan hmuhmi bantuk khi a si, sihmanhsehlaw cu tikah cun hmaitonh tein kan hmuh lai. Atu i ka hngalhmi hi cu a cheuchum lawnglawng a si, sihmanhsehlaw cu tikah cun Pathian nih a ka hngalhnak a tlin bantukin ka hngalhnak zong a tling ve lai.” 1 Korin 13:12

For lyrics powerpoint, click here A Min Thiang Thangthat Uh

A Min Thiang Thangthat Uh

1. Kalvary tlang cung ka cuanh ah

Jesuh ka ca’h a thihnak hmun

An tuknak hma he kut samh in

Ka khamhtu thing cung ah an tar

Continue Reading…

Facebook Comments
Blog, Laimi Caah, Open Letters

Lai mino hna hi an Khrihfabu chung cio ah hmunhma an ngei maw?

October 19, 2017

Mino Sunday lai asi cang le, mino upa hna meeting an thu. An mah le an mah an i zoh le hodah mino sunday ah caan hmang ding asi hnga ti sau ngai te an i ruah. Thawngtha chimtu zawn cu a lawng in an chiah, a ruang cu “Bible sianginn kaimi” hi caan tha pe ve hna usih an ti. An dihlak in an lungtlin bu tein an khrihfabu i Bible sianginn kaimi pakhat kha an thim. Bible sianginn kaimi mino te cu aa nuam tuk le a cauk vialte a van kau dih, a khup aa bil i Bawipa sinah lawmhnak bia a chim. Bible ca caang cu a zoh len i a hnu cem ah cun khrihfabu caah a siaherhmi tete hna kha a van i tial. Nu le pa le mino hna biatak tein riantuan tti khawhnak dingah mah hi thawngtha hi kan herh cem ko lai a ti. Mino Sunday ah cun a suit le a necktie aa hruk bal lomi te kha a nu nih a van pek i a chungkhar hna zong an i lawm tuk.

Pulpit cu a van phan le a tha a thir. A laiholh a chuak kho ti lo. A thin a phang. A holh a rang chin thluahmah. Upa hna nih cun an let-peih bu tein an zoh ko. Bible sianginn kaimi mino te cu mirang holh tete a van telh thluahmah cang. A note a zohnak ah ho he hmanh eye-contact a tuah kho ti lo. Bible sianginn a kai i a cawnmi vialte a van hman ko nain, mipi thinlung a laa kho lo. Mino caan hman ni asi tikah, caan le a sau tuk cang i mipi zong nih pumh dih in zei rawl kan ei lai ti lawng te an hngak cang. Nau fa tete aunak aw nih phunchimtu aw cu a van khuh thluahmah. Ka dih a hau pah cang a ti i rang ngai in minute 30 ah cun a chim duhmi a chim dih.

Pumh dih ah cun mino hna nih hman an thlak pi i na thawngtha chimmi a tha tuk an ti. Upa hna zong nih zeitluk in dah hmailei ah a biapit dang an chimh pah bu in a kut an tlaih.
Bible sianginn kaimi kan mino te cu inn ah a lawi i mah hi maw Bawipa riantuan asi ati i ai lawm ngai. Thawngtha a chimmi le a dangdang a tuah khawhmi kha a ruat i a lung cu a tling bak lo. A caan ngah than ning law cu hi bantuk tete hi kai remh bak lai ti ruahchannak te he a Bible le notes hmai te ah a thu. Zeitik ahdah thawngtha chim caan tete zong ka ngah than khawh te hnga ti aa ruahchan khawhmi caan cu a hmaikum Youth Sunday ni lawng khi asi. Mah hmanh cu an khrihfabu chung in Bible sianginn kaimi dang an um lo asi le, an mino Chairman a piangthar tuk i thawngtha chimnak caan a lak lo ah cun amah pek than te ding asi hnga.
Upa hna bia an i ruahmi a nu nih a theihmi cu “tuchan mino hna hi laiholh zong an thiam ti lo. A chim cu an chim ve cio ko hna nain ngaih awk zong an tlak lo. Ti hin cun hmailei ah zei kan lawh te hnga kan thei lo” ti asi. A nu nih a hna tu ai phih i a fa ca tu ah thla a cam piak. A fa cu a lung rawk sual lai tiah zeihmanh a chim lo.  

Kan khrihfabu cio ah hi bantuk tete hi Bible sianginn mi nih nan ton cio lai tiah ka zumh. Lai mino U.S. ah Bible sianginn a kaimi kan tam tluk in hman kan si lo caah, Pathian rian ah kan i pek khawh hnga tluk in kan i pe lo. Pathian riantuan zia le Pathian biachim zia kan thiam khawh hnga tluk in kan thiam fawn lo. Continue Reading…

Facebook Comments
Blog, Laimi Caah

Laksawng Petu A Nawl Zulh Kan Herh

September 27, 2017

Free Guitar for fire

Voikhat cu guitar ser a thiam tukmi pa pakhat nih mi sifak tukmi hna chungkhar kha bawmh a duh tuk hna caah, a tha tukmi guitar pakhat a pek hna. Hi guitar hi nan i chiah lai i ka sinah guitar tum nan cawng pah lai. Mah ti cun nan fanu maw nan fapa nih tangka kawl hna seh tiah a lak-ka in a pek hna. An chungkhar nih cun lawm tein an cohlan i guitar cu an inn ah an i chiah. Nain, voikhat cu an inn a kik tuk caah guitar cu meiphu to nak ding caah an khangh.

Laksawng cu laksawng asi ko. “Free” in pek cu a si ko. Nain, Laksawng a petu nih aa ruahchanmi kha a cotu nih an tlinh lo tikah an nunnak caah hmual a ngei lo.

Free, with our own purpose

Tuchan minung hna cu, laksawng timi cu a lak-ka in ngahmi asi caah kan duhnak paoh ah hman khawh asi tiah kan ruah. Mah bantuk za-lawnnak a um lo asi ah cun laksawng taktak asi lo kan ti. Lak-sawng in mi pakhat nih a kan pek ah cun a cotu nih a duhnak paoh ah a hmang awk asi ko ti hi vawlei mipi tampi nih an aupi mi asi.
Bianabia ah, wedding kan kal tikah mi tampi nih tangka in laksawng kan pek hna. A ruang cu an duhnak ah hmang hna seh kan ti. Tangka $100 kan tialmi chung ah “mah hi coffee dinnak lawng bak ah nan hmang lai” tiah tial usih law monu le mopa an i lawm tuk lem lai ka zum lo. Nain “Home Depot $100” gift card kan pek hna asi ah cun Home Depot bak lawngah hi laksawng hi hman khawh asi ti an theih. Pathian vel le dawtnak hi teh “tangka $100” bantukin duhnak paoh hman ding maw asi hnga? Asi lo le “Home Depot Gift Card $100” bantukin dah hmannak hmun theihter in pek kan si? Continue Reading…

Facebook Comments
Laimi Caah, Open Letters

Lai Mino Hna Nih Kan Nunremhnak Dingah Cawnpiak Hi Kan Hua Tuk Sual Maw?

August 23, 2017

Mirang Bible ca chungah cun “rebuke, reprove” ti’n Thlarau lei nun cawnpiaknak hi ai tial tawn. Mah biafang cu lai dictionary chung ah cun “mawhchiat” tiah leh asi. Thlarau lei than kan duh ah cun, “Rak ka mawhchiat tuah! Ka tlin lonak hi i hngal ning law, a tlingmi Pathian sinah bawmh hal tuah ning” tiah Pathian sin le thlarau hruaitu sin va kal i chim kan herh. A tling tuk in kan i hmuh ah cun kan sual tawn. A tling loin kan i hmuh lawngah kan than kho.

Khrihfa ka rak si ka ahhin, ka zumhnak a rak der ning le ka ziazaa a tlin lo ning hi ka rak i hmuh. Thil pakhat te ka rak tuah mi cu, ka theihmi Khrihfa hruaitu hna le pastor hna sinah va kal in ka palhnak a um ah cun rak ka cawnpiak ulaw tiah ka ti hna. Aruang cu, ka Bawipa Jesuh bantuk in thianghlim tein nun ka rak duh. Kan sualnak le palhnak i hngalh lo ah cun, Bawipa sinah sual ngaihthiam hal le bawmh hal ding in thlacam ning zong kan thiam kho lo. Keimah ka mit ah a tling tuk in kai hmuh nain, Bible ca he kai tah tikah ka tlin lo ning kai hmuh. Bible ca chung ning in a ka tahtu dingah Thiang Thlarau bawmhnak le Thlarau lei in a upa deuhmi hna ruahnak tampi ka herh. Cu ruangah, cu bantuk mi hna cu hmailei thanchonak ding ah ruahchannak nganpi he ka rak fuh hna.
Continue Reading…

Facebook Comments